​​ദു​​ബാ​​യ്: ഐ​​സി​​സി പു​​രു​​ഷ ട്വ​​ന്‍റി-20 ലോ​​ക​​ക​​പ്പ് ക്രി​​ക്ക​​റ്റ് ബഹിഷ്കരിച്ച് ബംഗ്ലാദേശ്. ഇന്ത്യയിൽ കളിക്കാനില്ലെന്ന് ബംഗ്ലാദേശ് ഐസിസിയെ അറിയിച്ചു. ഐസിസിയുടെ അന്ത്യശാസനം തള്ളിയാണ് ബംഗ്ലാദേശിന്‍റെ നീക്കം.

ഇതോടെ ബംഗ്ലാദേശിന് പകരം സ്കോട്ട്ലൻഡിനെ കളിപ്പിക്കാനാണ് നീക്കം. ഇ​​ന്ത്യ ആ​​തി​​ഥേ​​യ​​ത്വം വ​​ഹി​​ക്കു​​ന്ന 2026 ട്വ​​ന്‍റി-20 ലോ​​ക​​ക​​പ്പ് ഫെ​​ബ്രു​​വ​​രി ഏ​​ഴി​​നാ​​ണ് ആ​​രം​​ഭി​​ക്കു​​ക. രാ​​ഷ്‌ട്രീ​​യ അ​​ക​​ല്‍​ച്ച​​യെ​​ത്തു​​ട​​ര്‍​ന്ന് ലോ​​ക​​ക​​പ്പി​​നാ​​യി ഇ​​ന്ത്യ​​യി​​ലേ​​ക്ക് ടീ​​മി​​നെ അ​​യ​​യ്ക്കി​​ല്ലെ​​ന്ന് ബം​​ഗ്ലാ​​ദേ​​ശ് ക്രി​​ക്ക​​റ്റ് ബോ​​ര്‍​ഡ് (ബി​​സി​​ബി) അ​​റി​​യി​​ച്ചി​​രു​​ന്നു.

ശ്രീ​​ല​​ങ്ക​​യി​​ലേ​​ക്ക് ത​​ങ്ങ​​ളു​​ടെ മ​​ത്സ​​ര​​വേ​​ദി മാ​​റ്റ​​ണ​​മെ​​ന്നും ബി​​സി​​ബി ആ​​വ​​ശ്യ​​പ്പെ​​ട്ടു. എ​​ന്നാ​​ല്‍, കഴിഞ്ഞ ദിവസം ചേ​​ര്‍​ന്ന ഐ​​സി​​സി യോ​​ഗ​​ത്തി​​ല്‍ ബം​​ഗ്ലാ​​ദേ​​ശി​​ന്‍റെ ആ​​വ​​ശ്യം ത​​ള്ളി. മു​​ന്‍​നി​​ശ്ച​​യി​​ച്ച​​തു​​പോ​​ലെ ബം​​ഗ്ലാ​​ദേ​​ശി​​ന്‍റെ മ​​ത്സ​​ര​​ങ്ങ​​ള്‍​ക്ക് ഇ​​ന്ത്യ​​യി​​ല്‍​ത്ത​​ന്നെ ന​​ട​​ക്കു​​മെ​​ന്നും ഐ​​സി​​സി ബോ​​ര്‍​ഡ് യോ​​ഗ​​ത്തി​​ല്‍ തീ​​രു​​മാ​​ന​​മാ​​യി. ഇതോടെയാണ് ബംഗ്ലാദേശ് ലോകകപ്പ് ബഹിഷ്കരിച്ചത്.

റാ​​ങ്കിം​​ഗ് അ​​നു​​സ​​രി​​ച്ച് ബം​​ഗ്ലാ​​ദേ​​ശി​​ന്‍റെ പ​​ക​​ര​​ക്കാ​​രാ​​യി സ്‌​​കോ​​ട്ട്‌​‌​ല​​ന്‍​ഡി​​നെ ലോ​​ക​​ക​​പ്പി​​ല്‍ ക​​ളി​​പ്പി​​ക്കാ​​നാ​​ണ് സാ​​ധ്യ​​ത. ഇ​​തു സം​​ബ​​ന്ധി​​ച്ചു​​ള്ള ഔ​​ദ്യോ​​ഗി​​ക വി​​വ​​ര​​ങ്ങ​​ള്‍ ഇ​​തു​​വ​​രെ പു​​റ​​ത്തു​​വി​​ട്ടി​​ട്ടി​​ല്ല. പാ​​ക് ക്രി​​ക്ക​​റ്റ് ബോ​​ര്‍​ഡ് (പി​​സി​​ബി) മാ​​ത്ര​​മാ​​ണ് ഐ​​സി​​സി യോ​​ഗ​​ത്തി​​ല്‍ ബം​​ഗ്ലാ​​ദേ​​ശി​​നെ പി​​ന്തു​​ണ​​ച്ച​​തെ​​ന്നാ​​ണ് സൂ​​ച​​ന.

മും​ബൈ: വ​നി​താ പ്രീ​മി​യ​ർ ലീ​ഗ് ട്വ​ന്‍റി-20 ക്രി​ക്ക​റ്റി​ൽ യു​പി വാ​രി​യേ​ഴ്സി​നെ ഏ​ഴ് വി​ക്ക​റ്റി​നു ഡ​ൽ​ഹി ക്യാ​പ്പി​റ്റ​ൽ​സ് തോ​ൽ​പ്പി​ച്ചു.

ആ​ദ്യം ബാ​റ്റ് ചെ​യ്ത യു​പി, ക്യാ​പ്റ്റ​ൻ മെ​ഗ് ലാ​ന്നിം​ഗ് (38 പ​ന്തി​ൽ 54), ഹ​ർ​ലീ​ൻ ഡി​യോ​ൾ (36 പ​ന്തി​ൽ 47) എ​ന്നി​വ​രി​ലൂ​ടെ 20 ഓ​വ​റി​ൽ എ​ട്ട് വി​ക്ക​റ്റ് ന​ഷ്ട​ത്തി​ൽ 154 റ​ൺ​സ് നേ​ടി.

മ​റു​പ​ടി​ക്കി​റ​ങ്ങി​യ ഡ​ൽ​ഹി, ലി​സെ​ൽ ലീ​യു​ടെ (44 പ​ന്തി​ൽ 67) ക​രു​ത്തി​ൽ മൂ​ന്നു വി​ക്ക​റ്റ് ന​ഷ്ട​ത്തി​ൽ 158 റ​ൺ​സ് എ​ടു​ത്ത് 2026 സീ​സ​ണി​ലെ ആ​ദ്യ ജ​യ​ം നേടി. അ​വ​സാ​ന പ​ന്തി​ലാ​യി​രു​ന്നു ജ​യം.

സി​നി​മ, ടെ​ലി​വി​ഷ​ന്‍, മാ​ധ്യ​മ, പ​ര​സ്യ മേ​ഖ​ല​യി​ലെ കൂ​ട്ടാ​യ്മ​യാ​യ സെ​ലി​ബ്രി​റ്റി ക്രി​ക്ക​റ്റേ​ഴ്‌​സ് ഫ്രെ​ട്ടേ​ണി​റ്റി (സി​സി​എ​ഫ്)​യു​ടെ ക്രി​ക്ക​റ്റ് പൂ​രം സി.​സി.​എ​ഫ് പ്രീ​മി​യ​ല്‍ ലീ​ഗ് ര​ണ്ടാം പ​തി​പ്പി​ന് തി​ര​ശീ​ല ഉ​യ​ര്‍​ന്നു.

എ​റ​ണാ​കു​ളം താ​ജ് ഗേ​റ്റ് വേ​യി​ല്‍ താ​ര​നി​ബി​ഡ​മാ​യ ച​ട​ങ്ങി​ല്‍ സി​സി​എ​ഫ് ഭാ​ര​വാ​ഹി​ക​ളും സെ​ലി​ബ്രി​റ്റി ഉ​ട​മ​ക​ളും ബ്രാ​ന്‍​ഡ് അം​ബാ​സി​ഡ​ര്‍​മാ​രും ചേ​ര്‍​ന്ന് ര​ണ്ടാം പ​തി​പ്പ് ലോ​ഞ്ച് ചെ​യ്തു. സി​സി​എ​ഫ് അ​വ​ത​രി​പ്പി​ക്കു​ന്ന പു​തി​യ ക്രി​ക്ക​റ്റ് ഫോ​ര്‍​മാ​റ്റാ​യ സി​സി​എ​ഫ് 100 എ​ക്‌​സി​ന്‍റെ അ​വ​ത​ര​ണ​വും ച​ട​ങ്ങി​ല്‍ ന​ട​ന്നു.

മ​ത്സ​രം കൂ​ടു​ത​ല്‍ ആ​വേ​ശ​വും ത്ര​സി​പ്പി​ക്കു​ന്ന​തു​മാ​ക്കു​ന്ന​താ​ണ് പു​തി​യ ഫോ​ര്‍​മാ​റ്റ് എ​ന്ന് സി​സി​എ​ഫ് പ്ര​സി​ഡ​ന്‍റ് അ​നി​ല്‍ തോ​മ​സ്, സെ​ക്ര​ട്ട​റി ശ്യാം​ധ​ര്‍, ട്ര​ഷ​റ​ര്‍ സു​ധീ​പ് കാ​രാ​ട്ട് എ​ന്നി​വ​ര്‍ പ​റ​ഞ്ഞു. ഒ​രു ഓ​വ​റി​ല്‍ അ​ഞ്ച് ബോ​ള്‍ അ​ട​ങ്ങു​ന്ന സി​സി​എ​ഫ് 100 എ​ക്‌​സ് ഫോ​ര്‍​മാ​റ്റി​ല്‍ ബാ​റ്റ് ചെ​യ്യു​ന്ന ടീ​മി​നും ബൗ​ള്‍ ചെ​യ്യു​ന്ന ടീ​മി​നും പോ​യി​ന്‍റും റ​ണ്‍​സും ല​ഭി​ക്കും. കെ​സി​എ​ല്‍ ടീ​മാ​യ കേ​ര​ളാ സ്ട്രൈ​ക്കേ​ഴ്‌​സി​ന്‍റെ സി.​ഇ.​ഒ ബി​ന്ദു ദി​ജേ​ന്ദ്ര​നാ​ഥ് പു​തി​യ ഫോ​ര്‍​മാ​റ്റ് ലോ​ഞ്ച് ചെ​യ്തു.

പു​തു​താ​യി കൂ​ട്ടി​ച്ചേ​ര്‍​ത്ത ര​ണ്ട് ടീ​മു​ക​ള്‍ ഉ​ള്‍​പ്പ​ടെ 14 ടീ​മു​ക​ളാ​ണ് ഇ​ത്ത​വ​ണ ടൂ​ര്‍​ണ​മെ​ന്‍റി​ല്‍ മാ​റ്റു​ര​യ്ക്കു​ന്ന​ത്. ടീ​മു​ക​ളു​ടെ അ​വ​ത​ര​ണ​വും ച​ട​ങ്ങി​ല്‍ ന​ട​ന്നു. താ​ര​ലേ​ല​ത്തി​ല്‍ ഈ​ഗി​ള്‍ എ​മ്പ​യേ​ഴ്‌​സി​ന്‍റെ അ​രു​ണ്‍ മാ​ഞ്ഞാ​ലി, ഗോ​റി​ല്ല ഗ്ലൈ​ഡേ​ഴ്‌​സി​ന്‍റെ നോ​യ​ല്‍ ബെ​ന്‍ തു​ട​ങ്ങി​യ​വ​രെ വ​ന്‍ തു​ക​യ്ക്കാ​ണ് ടീ​മു​ക​ള്‍ സ്വ​ന്ത​മാ​ക്കി​യ​ത്. ഫെ​ബ്രു​വ​രി നാ​ല് മു​ത​ല്‍ 15 വ​രെ കാ​ക്ക​നാ​ട് രാ​ജ​ഗി​രി കോ​ള​ജ് ഗ്രൗ​ണ്ടി​ലാ​ണ് സി​സി​എ​ഫ് പ്രീ​മി​യ​ല്‍ ലീ​ഗ് മ​ത്സ​രം.

സിഡ്നി: ആഷസ് പരമ്പരയിലെ അഞ്ചാമത്തെയും അവസാനത്തെയും ടെസ്റ്റിലും ഇംഗ്ലണ്ടിന് തോല്‍വി. സിഡ്നിയില്‍ നടന്ന അവസാന ടെസ്റ്റില്‍ അഞ്ച് വിക്കറ്റിനായിരുന്നു ആതിഥേയരുടെ ജയം. ഇതോടെ, ഓസ്ട്രേലിയ അഞ്ച് മത്സര പരമ്പര 4-1ന് സ്വന്തമാക്കി. ഓസ്ട്രേലിയയുടെ തുടര്‍ച്ചയായ അഞ്ചാം ആഷസ് പരമ്പര ജയമാണിത്. സ്കോര്‍ ഇംഗ്ലണ്ട് 384, 342, ഓസ്ട്രേലിയ 567, 161/5.

അവസാന ദിനം എട്ടിന് 302 റൺ‌സെന്ന നിലയിൽ ബാറ്റിംഗ് ആരംഭിച്ച ഇംഗ്ലണ്ട് 342 റണ്‍സിന് പുറത്തായി. ഇതോടെ, 160 റണ്‍സിന്‍റെ കുഞ്ഞൻ‌ വിജയലക്ഷ്യം ഓസ്ട്രേലിയ അഞ്ചു വിക്കറ്റ് നഷ്ടത്തില്‍ മറികടന്നു.

ഓസീസിനായി ആദ്യ ഇന്നിംഗ്സില്‍ സെഞ്ചുറി നേടിയ ട്രാവിസ് ഹെഡാണ് കളിയിലെ താരം. അഞ്ച് ടെസ്റ്റില്‍ നിന്ന് 31 വിക്കറ്റ് വീഴ്ത്തിയ പേസ് ബൗളര്‍ മിച്ചല്‍ സ്റ്റാര്‍ക്കാണ് പരമ്പരയുടെ താരം.

ധാ​ക്ക: ടി20 ​ലോ​ക​ക​പ്പി​ൽ ത​ങ്ങ​ളു​ടെ മ​ത്സ​ര​ങ്ങ​ൾ ഇ​ന്ത്യ​യി​ൽ നി​ന്ന് മാ​റ്റ​ണ​മെ​ന്ന് വീ​ണ്ടും ആ​വ​ശ്യ​പ്പെ​ട്ട് ബം​ഗ്ലാ​ദേ​ശ് ക്രി​ക്ക​റ്റ് ബോ​ർ​ഡ്. ശ്രീ​ല​ങ്ക​യി​ൽ മ​ത്സ​ര​ങ്ങ​ൾ ക​ളി​ക്കാ​മെ​ന്ന് അ​റി​യി​ച്ചി​രു​ന്നെ​ങ്കി​ലും ഐ​സി​സി ഈ ​നി​ർ​ദേ​ശം ത​ള്ളി​യ​തോ​ടെ​യാ​ണ് ബി​സി​ബി വീ​ണ്ടും രം​ഗ​ത്തെ​ത്തി​യ​ത്.

ത​ങ്ങ​ൾ​ക്ക് ടൂ​ർ​ണ​മെ​ന്‍റി​ൽ ക​ളി​ക്കാ​ൻ താ​ത്പ​ര്യ​മു​ണ്ടെ​ങ്കി​ലും രാ​ജ്യ​ത്തി​ന്‍റെ അ​ന്ത​സ് ക​ള​ഞ്ഞ് ലോ​ക​ക​പ്പ് ക​ളി​ക്കാ​നി​ല്ലെ​ന്ന് ബം​ഗ്ലാ​ദേ​ശ് സ​ർ​ക്കാ​രി​ലെ സ്പോ​ർ​ട്‌​സ് അ​ഡ്വൈ​സ​റാ​യ ആ​സി​ഫ് ന​സ്രു​ൾ വ്യ​ക്ത​മാ​ക്കി. ഐ​സി​സി​ക്ക് ഇ​ന്ത്യ​യി​ലെ സാ​ഹ​ച​ര്യം പൂ​ർ​ണ​മാ​യും മ​ന​സി​ലാ​യി​ട്ടി​ല്ലെ​ന്ന് ബം​ഗ്ലാ​ദേ​ശ് ക്രി​ക്ക​റ്റ് ബോ​ർ​ഡ് പ്ര​സി​ഡ​ന്‍റും പ​റ​ഞ്ഞു.

അ​ടു​ത്ത മാ​സം തു​ട​ങ്ങു​ന്ന ടി20 ​ലോ​ക​ക​പ്പി​ല്‍ ബം​ഗ്ലാ​ദേ​ശി​ന്‍റെ മൂ​ന്ന് മ​ത്സ​ര​ങ്ങ​ള്‍​ക്ക് കോ​ല്‍​ക്ക​ത്ത ഈ​ഡ​ന്‍ ഗാ​ര്‍​ഡ​ന്‍​സാ​ണ് വേ​ദി​യാ​വു​ന്ന​ത്. അ​വ​സാ​ന ഗ്രൂ​പ്പ് മ​ത്സ​രം മും​ബൈ​യി​ലു​മാ​ണ് ന​ട​ത്താ​ൻ തീ​രു​മാ​നി​ച്ചി​രി​ക്കു​ന്ന​ത്.

അ​ഹ​മ്മ​ദാ​ബാ​ദ്: വി​ജ​യ് ഹ​സാ​രെ ട്രോ​ഫി​യി​ല്‍ മ​ധ്യ​പ്ര​ദേ​ശി​നെ​തി​രേ കേ​ര​ള​ത്തി​ന് ദ​യ​നീ​യ തോ​ൽ​വി. മ​ധ്യ​പ്ര​ദേ​ശ് ഉ​യ​ർ​ത്തി​യ 215 റ​ൺ​സ് വി​ജ​യ​ല​ക്ഷ്യം പി​ന്തു​ട​ർ‌​ന്ന കേ​ര​ളം 167 റ​ൺ​സി​ന് പു​റ​ത്താ​യി. ഇ​തോ​ടെ മ​ധ്യ​പ്ര​ദേ​ശി​ന് 47 റ​ൺ​സി​ന്‍റെ വി​ജ​യം സ്വ​ന്ത​മാ​ക്കി.

മൂ​ന്ന് വി​ക്ക​റ്റ് നേ​ടി​യ ശു​ഭം ശ​ര്‍​മ, ര​ണ്ട് വി​ക്ക​റ്റ് വീ​തം നേ​ടി​യ സ​ര​ന്‍​ഷ് ജെ​യ്ന്‍, ശി​വാം​ഗ് കു​മാ​ര്‍ എ​ന്നി​വ​രാ​ണ് മ​ധ്യ​പ്ര​ദേ​ശി​ന് ജ​യ​മൊ​രു​ക്കി​യ​ത്. വാ​ല​റ്റ​ത്ത് ആ​ഞ്ഞ​ടി​ച്ച ഷ​റ​ഫു​ദ്ദീ​നാ​ണ് (42) കേ​ര​ള​ത്തി​ന്‍റെ ടോ​പ് സ്‌​കോ​റ​ര്‍.

അ​വ​സാ​ന വി​ക്ക​റ്റി​ല്‍ വി​ഘ്‌​നേ​ഷ് പു​ത്തൂ​രി​നൊ​പ്പം ചേ​ര്‍​ന്ന് 49 റ​ണ്‍​സ് കൂ​ട്ടു​കെ​ട്ടു​ണ്ടാ​ക്കാ​ന്‍ ഷ​റ​ഫു​ദ്ദീ​ന് സാ​ധി​ച്ചെ​ങ്കി​ലും ടീ​മി​നെ വി​ജ​യ​ത്തി​ലേ​ക്ക് എ​ത്തി​ക്കാ​ൻ ക​ഴി​ഞ്ഞി​ല്ല. 41-ാം ഓ​വ​റി​ല്‍ ഷ​റ​ഫു​ദ്ദീ​ന്‍ പു​റ​ത്താ​യി.

സ​ൽ​മാ​ൻ നി​സാ​ർ (30), രോ​ഹ​ൻ എ​സ്. കു​ന്നു​മ്മ​ൽ (19), അ​ങ്കി​ത് ശ​ർ​മ (14), മു​ഹ​മ്മ​ദ് അ​സ്‌​ഹ​റു​ദ്ദീ​ൻ (15), വി​ഷ്ണു വി​നോ​ദ് (20), എ​ൻ.​എം. ഷ​റ​ഫു​ദ്ദീ​ൻ (42) എ​ന്നി​വ​ർ​ക്കു മാ​ത്ര​മേ ര​ണ്ട​ക്കം ക​ട​ക്കാ​നാ​യു​ള്ളൂ. തു​ട​ര്‍​ച്ച​യാ​യ മൂ​ന്നാം മ​ത്സ​ര​ത്തി​ലും സ​ഞ്ജു സാം​സ​ണ്‍ ഇ​ല്ലാ​തെ​യാ​ണ് കേ​ര​ളം ഇ​റ​ങ്ങി​യ​ത്.

ടോ​സ് ന​ഷ്ട​പ്പെ​ട്ട് ബാ​റ്റിം​ഗി​നി​റ​ങ്ങി​യ മ​ധ്യ​പ്ര​ദേ​ശ് 46.1 ഓ​വ​റി​ൽ 214 റ​ൺ​സി​നു പു​റ​ത്താ​യി​രു​ന്നു. ത​ക​ർ​ച്ച​യോ​ടെ തു​ട​ങ്ങി​യ മ​ധ്യ​പ്ര​ദേ​ശ് ഹി​മാ​ന്‍​ഷു മ​ന്ത്രി​യു​ടെ (105 പ​ന്തി​ല്‍ 93) ഇ​ന്നിം​ഗ്‌​സ് ക​രു​ത്തി​ലാ​ണ് ഭേ​ദ​പ്പെ​ട്ട സ്കോ​ർ നേ​ടി​യ​ത്.

അ​തേ​സ​മ​യം, താ​ര​ത്തെ കൂ​ടാ​തെ, ഹ​ർ​ഷ് ഗ​വാ​ലി (22), യ​ഷ് ദു​ബെ (13), ആ​ര്യ​ൻ പാ​ണ്ഡെ (15), ത്രി​പു​രേ​ഷ് സിം​ഗ് (37) എ​ന്നി​വ​ർ​ക്കു മാ​ത്ര​മേ ര​ണ്ട​ക്കം ക​ട​ക്കാ​നാ​യു​ള്ളൂ. കേ​ര​ള​ത്തി​ന് വേ​ണ്ടി അ​ങ്കി​ത് ശ​ര്‍​മ നാ​ലും ബാ​ബാ അ​പ​രാ​ജി​ത് മൂ​ന്നും വി​ക്ക​റ്റ് വീ​ഴ്ത്തി.

ല​ക്നോ: ഇ​ന്ത്യ-​ദ​ക്ഷി​ണാ​ഫ്രി​ക്ക നാ​ലാം ട്വ​ന്‍റി-20 മ​ത്സ​രം ക​ന​ത്ത മൂ​ട​ൽ മ​ഞ്ഞി​നെ തു​ട​ർ​ന്ന് ഉ​പേ​ക്ഷി​ച്ചു. ടോ​സ് പോ​ലും ഇ​ടാ​തെ​യാ​ണ് മ​ത്സ​രം ഉ​പേ​ക്ഷി​ച്ച​ത്. ഇ​തോ​ടെ അ​ഞ്ച് മ​ത്സ​ര പ​ര​മ്പ​ര​യി​ലെ അ​വ​സാ​ന മ​ത്സ​രം നി​ർ​ണാ​യ​ക​മാ​യി.

നി​ല​വി​ൽ ഇ​ന്ത്യ പ​ര​മ്പ​ര​യി​ൽ 2-1 എ​ന്ന നി​ല​യി​ൽ മു​ന്നി​ലാ​ണ്. പ​ര​മ്പ​ര സ​മ​നി​ല​യി​ലാ​ക്കാ​ൻ ദ​ക്ഷി​ണാ​ഫ്രി​ക്ക​യ്ക്ക് അ​വ​സാ​ന മ​ത്സ​രം ജ​യി​ക്ക​ണം. പ​ര​മ്പ​ര​യി​ലെ ഒ​ന്നും മൂ​ന്നും മ​ത്സ​ര​ങ്ങ​ളി​ൽ ഇ​ന്ത്യ ജ​യി​ച്ച​പ്പോ​ൾ ര​ണ്ടാം മ​ത്സ​ര​ത്തി​ൽ ദ​ക്ഷി​ണാ​ഫ്രി​ക്ക വി​ജ​യം സ്വ​ന്ത​മാ​ക്കി​യി​രു​ന്നു.

വെ​ള്ളി​യാ​ഴ്ച അ​ഹ​മ്മ​ദാ​ബാ​ദി​ലാ​ണ് പ​ര​മ്പ​യി​ലെ അ​ഞ്ചാ​മ​ത്തെ​യും അ​വ​സാ​ന​ത്തെ​യും മ​ത്സ​രം ന​ട​ക്കു​ന്ന​ത്. ടെ​സ്റ്റ് പ​ര​മ്പ​ര 2-0 എ​ന്ന നി​ല​യി​ൽ ദ​ക്ഷി​ണാ​ഫ്രി​ക്ക​യും ഏ​ക​ദി​ന പ​ര​മ്പ​ര 2-1 എ​ന്ന നി​ല​യി​ൽ ഇ​ന്ത്യ​യും സ്വ​ന്ത​മാ​ക്കി​യി​രു​ന്നു.

ക്രൈസ്റ്റ് ചർച്ച്: വെസ്റ്റ് ഇൻഡീസിനെതിരായ ടെസ്റ്റ് പരമ്പരയിലെ ആദ്യമത്സരത്തിൽ ന്യൂസിലൻഡിന് ഭേദപ്പെട്ട തുടക്കം. ആദ്യദിനം കളി അവസാനിപ്പിക്കുമ്പോൾ ഒമ്പതു വിക്കറ്റ് നഷ്ടത്തിൽ 231 റൺസെന്ന നിലയിലാണ് ആതിഥേയർ.

നാലു റൺസ് വീതവുമായി സാക് ഫോക്സും ജേക്കബ് ഡഫിയുമാണ് ക്രീസിൽ. 52 റൺസെടുത്ത കെയ്ൻ വില്യംസണാണ് ടോപ് സ്കോറർ. നായകൻ ടോം ലാഥം (24), ടോം ബ്ലണ്ടൽ (29), മൈക്കൽ ബ്രേസ്‌വെൽ (47), നഥാൻ സ്മിത്ത് (23) എന്നിവരും ഭേദപ്പെട്ട പ്രകടനം കാഴ്ചവച്ചു. അതേസമയം, ഡെവൺ കോൺവേ (പൂജ്യം), രചിൻ രവീന്ദ്ര (മൂന്ന്) എന്നിവർ തീർത്തും നിരാശപ്പെടുത്തി.

വെസ്റ്റ് ഇൻഡീസിനു വേണ്ടി കെമർ റോച്ച്, ഒജയ് ഷീൽഡ്സ്, ജസ്റ്റിൻ ഗ്രീവ്സ് എന്നിവർ രണ്ടുവിക്കറ്റ് വീതം വീഴ്ത്തിയപ്പോൾ ജെയ്ഡൻ സീൽസ്, ജൊഹാൻ ലെയ്ൻ, റോസ്റ്റൺ ചെയ്സ് എന്നിവർ ഓരോ വിക്കറ്റ് വീതവും വീഴ്ത്തി.

റാഞ്ചി: ദക്ഷിണാഫ്രിക്കയ്ക്കെതിരായ ഏകദിന ക്രിക്കറ്റിൽ ഇന്ത്യയുടെ വിരാട് കോഹ്‌ലിക്ക് സെഞ്ചുറി. 102 പന്തിലാണ് കോഹ്‌ലി സെഞ്ചുറി തികച്ചത്. 102 പന്തിൽ ഏഴ് ഫോറും അഞ്ച് സിക്സും ഉൾപ്പെട 103 റണ്‍സെടുത്ത കോഹ്‌ലി ബാറ്റിംഗ് തുടരുകയാണ്.

കോഹ്‌ലിയുടെ 52-ാമതെ ഏകദിന സെഞ്ചുറിയാണിത്. അന്താരാഷ്ട്ര ക്രിക്കറ്റിലെ 83-ാമത്തെ സെഞ്ചുറിയുമാണ്. 306 ഏകദിന മത്സരങ്ങളിൽനിന്നായി താരത്തിന് 75 അർധസെഞ്ചുറിയും ഉണ്ട്. 14387 റണ്‍സാണ് കോഹ്‌ലി ഇതുവരെ ഏകദിനത്തിൽ അടിച്ചു കൂട്ടിയത്. 183 റണ്‍സാണ് താരത്തിന്‍റെ ഉയർന്ന സ്കോർ.

നിലവിൽ ഇന്ത്യ 41 ഓവറിൽ നാല് വിക്കറ്റ് നഷ്ടത്തിൽ 266 റണ്‍സ് നേടിയിട്ടുണ്ട്.

തി​രു​വ​ന​ന്ത​പു​രം: ഇ​ന്ത്യ​ന്‍ വ​നി​ത ക്രി​ക്ക​റ്റ് ടീം ​തി​രു​വ​ന​ന്ത​പു​ര​ത്തേ​യ്ക്ക്. ശ്രീലങ്കയ്ക്കെതിരായ ട്വന്‍റി20 പരന്പരയ്ക്കാണ് ടീം തിരുവനന്തപുരത്ത് എത്തുന്നത്.

അഞ്ച് മത്സരങ്ങളുടെ പരന്പരയിൽ മൂന്ന് മത്സരങ്ങൾക്ക് തിരുവനന്തപുരം കാ​ര്യ​വ​ട്ടം, ഗ്രീ​ന്‍​ഫീ​ല്‍​ഡ് സ്റ്റേ​ഡി​യം വേദിയാകും.

തിരുവനന്തപുരത്ത് ഡി​സം​ബ​ര്‍ 26,28,30 ദി​വ​സ​ങ്ങ​ളി​ലാ​ണ് മ​ത്സ​ര​ങ്ങ​ള്‍. ആ​ദ്യ ര​ണ്ട് മ​ത്സ​രം വി​ശാ​ഖ​പ​ട്ട​ണ​ത്ത് ന​ട​ക്കും. ലോ​ക​ക​പ്പ് ജ​യ​ത്തി​നുശേ​ഷമുള്ള ഇന്ത്യയുടെ ആ​ദ്യ പ​ര​മ്പ​ര​യാ​ണി​ത്.

ഔ​ദ്യോ​ഗി​ക പ്ര​ഖ്യാ​പ​നം ഇ​ന്നു​ണ്ടാ​കു​മെ​ന്ന് കേ​ര​ള ക്രി​ക്ക​റ്റ് അ​സോ​സി​യേ​ഷ​ന്‍ സെ​ക്ര​ട്ട​റി വി​നോ​ദ് കു​മാ​ര്‍ അ​റി​യി​ച്ചു.

ടെ​ക്സ​സ്: ജോ​യ​ൽ തോ​മ​സ് നി​യ​ന്ത്രി​ക്കു​ക​യും ര​മേ​ശ് ര​വീ​ന്ദ്ര​ൻ ന​യി​ക്കു​ക​യും ചെ​യ്ത കേ​ര​ള സ്മാ​ഷേ​ഴ്‌​സി​ന് ആ​ധി​പ​ത്യ​വും ച​രി​ത്ര​പ​ര​വു​മാ​യ തോ​ൽ​വി​യ​റി​യാ​തെ ചാ​മ്പ്യ​ൻ​ഷി​പ് ട്രോ​ഫി ല​ഭി​ച്ച​തോ​ടെ കേ​ര​ള റോ​യ​ൽ​സ് പ്രി​മി​യ​ർ ലീ​ഗ് (കെ​പി​എ​ൽ) ആ​റാം സീ​സ​ൺ ഗം​ഭീ​ര​മാ​യി അ​വ​സാ​നി​ച്ചു.

ഐ​പി​എ​ല്ലി​ന്‍റെ മാ​തൃ​ക​യി​ൽ ഡാ​ള​സ്-​ഫോ​ർ​ട്ട് വ​ർ​ത്ത് മെ​ട്രോ​പ്ല​ക്‌​സി​ലു​ട​നീ​ള​മു​ള്ള മി​ക​ച്ച മ​ല​യാ​ളി ക്രി​ക്ക​റ്റ് ക​ളി​ക്കാ​രെ ഉ​ൾ​പ്പെ​ടു​ത്തി​യ കെ​പി​എ​ൽ, ടെ​ക്സ​സി​ലെ പ്രീ​മി​യ​ർ ക​മ്യൂ​ണി​റ്റി ക്രി​ക്ക​റ്റ് ടൂ​ർ​ണ​മെ​ന്‍റു​ക​ളി​ൽ ഒ​ന്നാ​യി വ​ള​ർ​ന്നു​കൊ​ണ്ടേ​യി​രി​ക്കു​ന്നു.

ഈ ​ആ​റാം പ​തി​പ്പി​ൽ 100+ ര​ജി​സ്റ്റ​ർ ചെ​യ്ത ക​ളി​ക്കാ​ർ ഡ്രാ​ഫ്റ്റി​ൽ പ്ര​വേ​ശി​ച്ച് ആ​റ് ഫ്രാ​ഞ്ചൈ​സി​ക​ളി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ടു. വി​ന്നി ഫി​ലി​പ്പ്, സ്റ്റാ​ൻ​ലി ജോ​ൺ, ചാ​ൾ​സ് ഫി​ലി​പ്പ്, ടി​ജു വ​ർ​ഗീ​സ്, വി​ഷ്ണു സോ​മ​നാ​ഥ​ൻ പി​ള്ള, അ​രു​ൺ ജോ​ണി, വി​ജി​ൻ ഉ​മ്മ​ൻ, ബ്ര​യാ​ൻ തോ​മ​സ് എ​ന്നി​വ​ര​ട​ങ്ങു​ന്ന സ​മ​ർ​പ്പി​ത ക​മ്മി​റ്റി​യാ​ണ് പ​രി​പാ​ടി വി​ജ​യ​ക​ര​മാ​യി സം​ഘ​ടി​പ്പി​ച്ച​ത്.

മും​ബൈ: അ​ടു​ത്ത ഐ​പി​എ​ൽ സീ​സ​ണി​ൽ നി​ല​നി​ർ​ത്തി​യ താ​ര​ങ്ങ​ളു​ടെ പ​ട്ടി​ക ഫ്രാ​ഞ്ചൈ​സി​ക​ൾ പു​റ​ത്തു​വി​ട്ടു. സൂ​പ്പ​ർ താ​ര​ങ്ങ​ളാ​യ ആ​ന്ദ്ര റ​സ​ലി​നെ​യും വെ​ങ്കി​ടേ​ഷ് അ​യ്യ​രേ​യും കോ​ൽ​ക്ക​ത്ത ഒ​ഴി​വാ​ക്കി.

ട്രേ​ഡ് ഡീ​ൽ വ​ഴി സ​ഞ്ജു​വി​നെ ത​ട്ട​ക​ത്തി​ലെ​ത്തി​ച്ച ചെ​ന്നൈ 11 താ​ര​ങ്ങ​ളെ​യാ​ണ് ഇ​ക്കു​റി കൈ​വി​ട്ട​ത്. ഇ​തി​ൽ ര​ചി​ൻ ര​വീ​ന്ദ്ര, മ​തീ​ഷ പ​തി​ര​ണെ എ​ന്നി​വ​രും ഉ​ൾ​പ്പെ​ടും. സ​ണ്‍​റൈ​സേ​ഴ്‌​സ് ഹൈ​ദ​രാ​ബാ​ദ് മ​ല​യാ​ളി താ​രം സ​ച്ചി​ന്‍ ബേ​ബി​യെ ഒ​ഴി​വാ​ക്കി.

നേ​ര​ത്തെ മു​ഹ​മ്മ​ദ് ഷ​മി​യെ ട്രേ​ഡി​ലൂ​ടെ ല​ക്നോ സൂ​പ്പ​ര്‍ ജ​യ​ന്‍റ്സി​ന് ന​ല്‍​കി​യി​രു​ന്നു. വി​യാ​ന്‍ മ​ള്‍​ഡ​ര്‍, രാ​ഹു​ല്‍ ചാ​ഹ​ര്‍, ആ​ഡം സാം​പ എ​ന്നി​വ​രാ​ണ് ഒ​ഴി​വാ​ക്ക​പ്പെ​ട്ട പ്ര​മു​ഖ​ര്‍. പാ​റ്റ് ക​മ്മി​ന്‍​സ് ന​യി​ക്കു​ന്ന ടീ​മി​ല്‍ ട്രാ​വി​സ് ഹെ​ഡ്, അ​ഭി​ഷേ​ക് ശ​ര്‍​മ, ഇ​ഷാ​ന്‍ കി​ഷ​ന്‍, ഹെ​ന്‍റി​ച്ച് ക്ലാ​സ​ന്‍, നി​തീ​ഷ് കു​മാ​ര്‍ റെ​ഡ്ഡി, ബ്രൈ​ഡ​ണ്‍ കാ​ര്‍​സെ എ​ന്നി​വ​രെ നി​ല​നി​ര്‍​ത്തി.

മും​ബൈ ഇ​ന്ത്യ​ന്‍​സ് മ​ല​യാ​ളി താ​രം വി​ഗ്നേ​ഷ് പൂ​ത്തൂ​രി​നെ ഒ​ഴി​വാ​ക്കി. അ​ര്‍​ജു​ന്‍ ടെ​ന്‍​ഡു​ല്‍​ക്ക​റെ ല​ക്നോ​വി​ന് ന​ൽ​കി​യി​രു​ന്നു. സ​ത്യ​നാ​രാ​യ​ണ, റീ​സെ ടോ​പ്ലി, കെ.​എ​ല്‍.​ശ്രീ​ജി​ത്ത്, ക​ര​ണ്‍ ശ​ര്‍​മ, ബെ​വോ​ണ്‍ ജേ​ക്ക​ബ്‌​സ്, മു​ജീ​ബ് റ​ഹ്മാ​ന്‍, ലി​സാ​ര്‍​ഡ് വി​ല്യം​സ് എ​ന്നി​വ​രാ​ണ് ഒ​ഴി​വാ​ക്ക​പ്പെ​ട്ട മ​റ്റു​താ​ര​ങ്ങ​ള്‍.

ട്രേ​ഡ് ഡീ​ൽ വ​ഴി സ​ഞ്ജു​വി​ന് പ​ക​രം ര​വീ​ന്ദ്ര ജ​ഡേ​ജ​യെ​യും സാം ​ക​റ​നെ​യും ടീ​മി​ലെ​ത്തി​ച്ച രാ​ജ​സ്ഥാ​ൻ റോ​യ​ൽ​സ് മ​ഹീ​ഷ് തീ​ക്ഷ​ണ, വാ​നി​ന്ദു ഹ​സ​ര​ങ്ക എ​ന്നി​വ​രെ കൈ​വി​ട്ടു. അ​തേ​സ​മ​യം വൈ​ഭ​വ് സൂ​ര്യ​വം​ശി, യ​ശ​സ്വി ജ​യ്‌​സ്വാ​ൾ, ജൊ​ഫ്ര ആ​ർ​ച്ച​ർ എ​ന്നി​വ​രെ നി​ല​നി​ർ​ത്തി.

ഡ​ൽ​ഹി ക്യാ​പി​റ്റ​ൽ​സ സൂ​പ്പ​ർ താ​രം ഡു​പ്ല​പെ​സി, ജേ​ക്ക മ​ക​ഗു​ർ​ക എ​ന്നി​വ​രെ നി​ല​നി​ർ​ത്തി​യി​ല്ല. കെ.​എ​ൽ. രാ​ഹു​ൽ, ക​രു​ൺ നാ​യ​ർ, അ​ക്ഷ​ർ പ​ട്ടേ​ൽ, കു​ൽ​ദീ​പ് യാ​ദ​വ് എ​ന്നി​വ​ർ ടീ​മി​ലു​ണ്ട്.​പ​ഞ്ചാ​ബ് കിം​ഗ്സ് ഗ്ലെ​ന്‍ മാ​ക്‌​സ​വെ​ല്ലി​നെ​യും ജോ​ഷ് ഇം​ഗ്ലി​സി​നെ​യും ഒ​ഴി​വാ​ക്കി.

കോ​ൽ​ക്ക​ത്ത: ഇ​ന്ത്യ​യ്ക്കെ​തി​രാ​യ ആ​ദ്യ ടെ​സ്റ്റി​ന്‍റെ ര​ണ്ടാം ഇ​ന്നിം​ഗ്സി​ലും ദ​ക്ഷി​ണാ​ഫ്രി​ക്ക​യ്ക്ക് ബാ​റ്റിം​ഗ് ത​ക​ര്‍​ച്ച. ഒ​ന്നാം ഇ​ന്നിം​ഗ്സി​ൽ 30 റ​ണ്‍​സി​ന്‍റെ ലീ​ഡ് വ​ഴ​ങ്ങി​യ ദ​ക്ഷി​ണാ​ഫ്രി​ക്ക ര​ണ്ടാം ദി​നം ക​ളി അ​വ​സാ​നി​ക്കു​മ്പോ​ള്‍ ഏ​ഴു​വി​ക്ക​റ്റ് ന​ഷ്ട​ത്തി​ൽ 93 റ​ൺ​സെ​ന്ന നി​ല​യി​ലാ​ണ്.

ക്യാ​പ്റ്റ​ൻ ടെം​ബ ബാ​വു​മ (29), കോ​ർ​ബി​ൻ ബോ​ഷ് (ഒ​ന്ന്) എ​ന്നി​വ​രാ​ണ് ക്രീ​സി​ൽ. മൂ​ന്നു വി​ക്ക​റ്റു മാ​ത്രം ശേ​ഷി​ക്കെ ആ​കെ 63 റ​ൺ​സി​ന്‍റെ ലീ​ഡ് മാ​ത്ര​മാ​ണ് സ​ന്ദ​ർ​ശ​ക​ർ​ക്കു​ള്ള​ത്. ര​വീ​ന്ദ്ര ജ​ഡേ​ജ നാ​ലും കു​ൽ​ദീ​പ് യാ​ദ​വ് ര​ണ്ടും അ​ക്ഷ​ർ പ​ട്ടേ​ൽ ഒ​രു വി​ക്ക​റ്റും വീ​ഴ്ത്തി.

ബാ​റ്റി​ങ്ങി​നി​ടെ പ​രി​ക്കേ​റ്റ ശു​ഭ്‌​മാ​ൻ ഗി​ല്ലി​നു പ​ക​രം വൈ​സ് ക്യാ​പ്റ്റ​ൻ ഋ​ഷ​ഭ് പ​ന്താ​ണ് ര​ണ്ടാം ഇ​ന്നിം​ഗ്സി​ൽ ഇ​ന്ത്യ​യെ ന​യി​ക്കു​ന്ന​ത്. നേ​ര​ത്തെ ദ​ക്ഷി​ണാ​ഫ്രി​ക്ക​യു​ടെ ഒ​ന്നാം ഇ​ന്നിം​ഗ്സ് സ്‌​കോ​റാ​യ 159 റ​ണ്‍​സി​നെ​തി​രെ ഇ​ന്ത്യ 189ന് ​എ​ല്ലാ​വ​രും പു​റ​ത്താ​വു​ക​യാ​യി​രു​ന്നു.

39 റ​ണ്‍​സെ​ടു​ത്ത കെ.​എ​ല്‍.​രാ​ഹു​ലാ​ണ് ഇ​ന്ത്യ​യു​ടെ ടോ​പ് സ്‌​കോ​റ​ര്‍. ക്യാ​പ്റ്റ​ന്‍ ഗി​ല്‍ പ​രി​ക്കി​നെ തു​ട​ര്‍​ന്ന് റി​ട്ട​യേ​ര്‍​ഡ് ഹ​ര്‍​ട്ടാ​യ​തും ഇ​ന്ത്യ​ക്ക് തി​രി​ച്ച​ടി​യാ​യി. ദ​ക്ഷി​ണാ​ഫ്രി​ക്ക​യ്ക്ക് വേ​ണ്ടി സി​മോ​ണ്‍ ഹാ​ര്‍​മ​ര്‍ നാ​ലും മാ​ര്‍​കോ ജാ​ന്‍​സ​ണ്‍ മൂ​ന്നും വി​ക്ക​റ്റ് വീ​ഴ്ത്തി.

 തി​രു​വ​ന​ന്ത​പു​രം: ര​ഞ്ജി ട്രോ​ഫി​യി​ൽ കേ​ര​ള​ത്തി​നെ​തി​രേ ലീ​ഡ് ഉ​യ​ർ​ത്തി സൗ​രാ​ഷ്ട്ര. മൂ​ന്നാം​ദി​നം ക​ളി​നി​ർ​ത്തു​ന്പോ​ൾ അ​ഞ്ച് വി​ക്ക​റ്റ് ന​ഷ്ട​ത്തി​ൽ സൗ​രാ​ഷ്ട്ര 351 റ​ണ്‍​സ് നേ​ടി. ഇ​തോ​ടെ 278 റ​ണ്‍​സി​ന്‍റെ ലീ​ഡാ​ണ് സൗ​രാ​ഷ്ട്ര ഉ​യ​ർ​ത്തി​യി​രി​ക്കു​ന്ന​ത്.

ചി​രാ​ഗ് ജാ​നി​യു​ടെ ഇ​ന്നിം​ഗ്സാ​ണ് സൗ​രാ​ഷ്ട്ര​യെ മി​ക​ച്ച നി​ല​യി​ലെ​ത്തി​ച്ച​ത്. 204 പ​ന്തു​ക​ൾ നേ​രി​ട്ട ചി​രാ​ഗ് നാ​ല് സി​ക്സും 14 ഫോ​റും ഉ​ൾ​പ്പെ​ടെ 152 റ​ണ്‍​സെ​ടു​ത്താ​ണ് മ​ട​ങ്ങി​യ​ത്. 61 പ​ന്തി​ൽ 52 റ​ണ്‍​സു​മാ​യി പ്രേ​ര​ക് മ​ങ്കാ​ടും ഒ​രു റ​ണ്‍​സു​മാ​യി അ​ന​ഷ് ഗോ​സാ​യു​മാ​ണ് ക്രീ​സി​ൽ.

ചി​രാ​ഗ് ജാ​നി​ക്കു പു​റ​മേ ഹ​ർ​ഷ് ദേ​ശാ​യ് (അ​ഞ്ച്), ഗ​ജ്ജാ​ർ സ​മ്മാ​ർ (31), ജെ​യ് ഗോ​ഹി​ൽ (24), എ.​വി. വാ​സ​വ​ദ (74) എ​ന്നി​വ​രു​ടെ വി​ക്ക​റ്റു​ക​ളാ​ണ് സൗ​രാ​ഷ്ട്ര​യ്ക്ക് ന​ഷ്ട​മാ​യ​ത്.

മം​ഗ​ല​പു​രം, കെ​സി​എ ഗ്രൗ​ണ്ടി​ൽ ന​ട​ക്കു​ന്ന മ​ത്സ​ര​ത്തി​ൽ സൗ​രാ​ഷ്ട്ര​യു​ടെ ഒ​ന്നാം ഇ​ന്നിം​ഗ്സ് സ്കോ​റാ​യ 160നെ​തി​രെ കേ​ര​ളം 233 റ​ണ്‍​സ് നേ​ടി​യി​രു​ന്നു.

കേ​ര​ള​ത്തി​നു വേ​ണ്ടി എം.​ഡി. നി​ധീ​ഷും എ​ൻ.​പി. ബേ​സി​ലും ര​ണ്ട് വി​ക്ക​റ്റ് വീ​തം വീ​ഴ്ത്തി. ബാ​ബ അ​പ​രാ​ജി​ത് ഒ​രു വി​ക്ക​റ്റും നേ​ടി.

ദു​ബാ​യി: ഏ​ഷ്യാ ക​പ്പ് കി​രീ​ടം ഇ​ന്ത്യ​യ്ക്ക് കൈ​മാ​റാ​ന്‍ വ​ഴി​യൊ​രു​ങ്ങു​ന്നു. ദു​ബാ​യി​യി​ൽ ഐ​സി​സി ബോ​ർ​ഡ് യോ​ഗ​ത്തി​നി​ടെ ഏ​ഷ്യ​ന്‍ ക്രി​ക്ക​റ്റ് കൗ​ണ്‍​സി​ല്‍ പ്ര​സി​ഡ​ന്‍റ് മൊ​ഹ്സി​ന്‍ ന​ഖ്‌​വി​യു​മാ​യി ബി​സി​സി​ഐ സെ​ക്ര​ട്ട​റി ദേ​വ്ജി​ത് സൈ​ക്കി​യ കൂ​ടി​ക്കാ​ഴ്ച ന​ട​ത്തി.

ട്രോ​ഫി കൈ​മാ​റാ​ത്ത​തു​മാ​യി ബ​ന്ധ​പ്പെ​ട്ട ത​ര്‍​ക്ക​ത്തി​ല്‍ ബി​സി​സി​ഐ​യും പി​സി​ബി​യും ആ​ലോ​ചി​ച്ച് പ​രി​ഹാ​രം കാ​ണു​മെ​ന്നും വി​ഷ​യ​ത്തി​ൽ ഐ​സി​സി ഇ​ട​പെ​ട​ൽ വേ​ണ്ടി​വ​രി​ല്ലെ​ന്നു സൈ​ക്കി​യ പ​റ​ഞ്ഞു. ത​ർ​ക്ക​പ​രി​ഹാ​ര​ത്തി​നു ഐ​സി​സി സ​മി​തി രൂ​പീ​ക​രി​ക്കു​മെ​ന്ന് നേ​ര​ത്തെ റി​പ്പോ​ർ​ട്ട് ഉ​ണ്ടാ​യി​രു​ന്നു.

ഐ​സി​സി സി​ഇ​ഒ സ​ന്‍​ജോ​ഗ് ഗു​പ്ത ഇ​ട​പെ​ട്ടാ​ണ് മൊ​ഹ്സി​ന്‍ ന​ഖ്‌​വി​യും ദേ​വ്ജി​ത് സൈ​ക്കി​യു​മാ​യു​ള്ള കൂ​ടി​ക്കാ​ഴ്ച​ക്ക് വ​ഴി​യൊ​രു​ക്കി​യ​ത്.

തി​രു​വ​ന​ന്ത​പു​രം: ര​ഞ്ജി ട്രോ​ഫി​യി​ൽ ഒ​ന്നാം ഇ​ന്നിം​ഗ്സി​ൽ സൗ​രാ​ഷ്ട്ര​യെ 160 റ​ണ്‍​സി​ന് എ​റി​ഞ്ഞി​ട്ട് കേ​ര​ളം. എം.​ഡി. നി​ധീ​ഷി​ന്‍റെ ത​ക​ർ​പ്പ​ൻ പ്ര​ക​ട​ന​മാ​ണ് സൗ​രാ​ഷ്ട്ര​യെ ത​ക​ർ​ത്ത​ത്. 13 ഓ​വ​റി​ൽ 20 റ​ണ്‍​സ് വ​ഴ​ങ്ങി ആ​റ് വി​ക്ക​റ്റു​ക​ളാ​ണ് നി​ധീ​ഷ് സ്വ​ന്ത​മാ​ക്കി​യ​ത്.

ടോ​സ് ന​ഷ്ട​പ്പെ​ട്ട് ആ​ദ്യം ബാ​റ്റിം​ഗി​നി​റ​ങ്ങി​യ സൗ​രാ​ഷ്ട്ര 55.2 ഓ​വ​റി​ൽ 160ന് ​ഓ​ൾ​ഔ​ട്ടാ​യി. ജ​യ് ഗോ​ഹി​ലി​നു മാ​ത്ര​മാ​ണ് സൗ​രാ​ഷ്ട്ര നി​ര​യി​ൽ മി​ക​ച്ച പ്ര​ക​ട​നം കാ​ഴ്ച​വ​യ്ക്കാ​നാ​യ​ത്. 123 പ​ന്തു​ക​ൾ നേ​രി​ട്ട ജ​യ് ഗോ​ഹി​ൽ ര​ണ്ട് സി​ക്സും 11 ഫോ​റും ഉ​ൾ​പ്പെ​ടെ 84 റ​ണ്‍​സെ​ടു​ത്താ​ണ് മ​ട​ങ്ങി​യ​ത്.

ഗ​ജ്ജ​ർ സ​മ്മ​ർ 56 പ​ന്തി​ൽ 23 റ​ണ്‍​സെ​ടു​ത്തു. ക്യാ​പ്റ്റ​ൻ ജെ. ​ഉ​ന​ദ്ഘ​ട്ട് 16 റ​ണ്‍​സും പ്രേ​ര​ക് മ​ങ്കാ​ട് 13ഉം ​ഡി.​ജെ. ജ​ഡേ​ജ 11 റ​ണ്‍​സും നേ​ടി. മ​റ്റാ​ർ​ക്കും ര​ണ്ട​ക്കം പോ​ലും ക​ട​ക്കാ​നാ​യി​ല്ല.

കേ​ള​ത്തി​നാ​യി നി​ധീ​ഷ് ആ​റ് വി​ക്ക​റ്റ് വീ​ഴ്ത്തി​യ​പ്പോ​ൾ ബാ​ബാ അ​പ​രാ​ജി​ത് മൂ​ന്ന് വി​ക്ക​റ്റു​ക​ൾ പി​ഴു​തു. ഏ​ദ​ൻ ആ​പ്പി​ൽ ടോം ​ഒ​രു വി​ക്ക​റ്റും നേ​ടി.

തി​രു​വ​ന​ന്ത​പു​രം: ര​ഞ്ജി ട്രോ​ഫി ക്രി​ക്ക​റ്റി​ൽ സൗ​രാ​ഷ്ട്ര​യു​ടെ മൂ​ന്ന് വി​ക്ക​റ്റു​ക​ൾ എ​റി​ഞ്ഞി​ട്ട് കേ​ര​ളം. എം.​ഡി. നി​ധീ​ഷാ​ണ് കേ​ര​ത്തി​നാ​യി മൂ​ന്ന് വി​ക്ക​റ്റു​ക​ളും പി​ഴു​ത​ത്. എ​ച്ച് ദേ​ശാ​യി (0) ചി​രാ​ഗ് ജാ​നി (5), എ.​വി. വാ​സ​വ​ദ (0) എ​ന്നി​വ​രു​ടെ വി​ക്ക​റ്റു​ക​ളാ​ണ് സൗ​രാ​ഷ്ട്ര​യ്ക്കു ന​ഷ്ട​മാ​യ​ത്.

ടോ​സ് ന​ഷ്ട​പ്പെ​ട്ട് ആ​ദ്യം ബാ​റ്റിം​ഗി​നി​റ​ങ്ങി​യ സൗ​രാ​ഷ്ട്ര​യ്ക്കാ​യി ജ​യ് ഗോ​ഹി​ൽ അ​ർ​ധ സെ​ഞ്ചു​റി നേ​ടി. ജ​യ് ഗോ​ഹി​ൽ 71 പ​ന്തി​ൽ 55 റ​ണ്‍​സു​മാ​യി ബാ​റ്റിം​ഗ് തു​ട​രു​ക​യാ​ണ്. ഒ​ൻ​പ​ത് റ​ണ്‍​സു​മാ​യി പ്രേ​ര​ക് മ​ങ്കാ​ടാ​ണ് ജ​യ് ഗോ​ഹി​ലി​നൊ​പ്പം ക്രീ​സി​ൽ.

നി​ല​വി​ൽ 23 ഓ​വ​റി​ൽ മൂ​ന്ന് വി​ക്ക​റ്റ് ന​ഷ്ട​ത്തി​ൽ 70 റ​ണ്‍​സ് എ​ന്ന നി​ല​യി​ലാ​ണ് സൗ​രാ​ഷ്ട്ര.

ന്യൂ​ഡ​ൽ​ഹി: 2029 ൽ ​ന​ട​ക്കു​ന്ന വ​നി​താ ലോ​ക​ക​പ്പ് ടൂ​ർ​ണ​മെ​ന്‍റി​ൽ പ​ങ്കെ​ടു​ക്കു​ന്ന ടീ​മു​ക​ളു​ടെ എ​ണ്ണം പ​ത്താ​യി ഉ​യ​ർ​ത്തി​യെ​ന്ന് ഐ​സി​സി അ​റി​യി​ച്ചു. ഇ​തു​വ​രെ എ​ട്ട് ടീ​മു​ക​ളാ​ണ് ലോ​ക​ക​പ്പി​ൽ ഏ​റ്റു​മു​ട്ടി​യി​രു​ന്ന​ത്.

കാ​ഴ്ച​ക്കാ​രു​ടെ എ​ണ്ണ​ത്തി​ല്‍ റി​ക്കാ​ർ​ഡ് കു​റി​ച്ച ടൂ​ര്‍​ണ​മെ​ന്‍റ്കൂ​ടി​യാ​യി​രു​ന്നു ഇ​ത്ത​വ​ണ​ത്തേ​ത്. 185 മി​ല്ല്യ​ൺ കാ​ഴ്‌​ച​ക്കാ​രാ​ണ് ഇ​ന്ത്യ​യും ദ​ക്ഷി​ണാ​ഫ്രി​ക്ക​യും ത​മ്മി​ലു​ള്ള ഫൈ​ന​ൽ മ​ത്സ​രം ജി​യോ ഹോ​ട്ട്സ്റ്റാ​റി​ലൂ​ടെ ക​ണ്ട​ത്. ടൂ​ർ​ണ​മെ​ന്‍റി​ലാ​കെ 446 മി​ല്ല്യ​ൺ കാ​ഴ്ച​ക്കാ​രു​മു​ണ്ടാ​യി.

വ​നി​താ ക്രി​ക്ക​റ്റി​ൽ ഇ​ത് റി​ക്കാ​ർ​ഡാ​ണ്. ക​ഴി​ഞ്ഞ മൂ​ന്ന് പ​തി​പ്പു​ക​ളി​ലു​ള്ള​തി​നേ​ക്കാ​ൾ കൂ​ടു​ത​ലാ​ണി​ത്. ഇ​തി​നു പു​റ​മേ അ​സോ​സി​യേ​റ്റ് രാ​ജ്യ​ങ്ങ​ള്‍​ക്കു​ള്ള ഫ​ണ്ട് വ​ര്‍​ധി​പ്പി​ക്കാ​നും ഐ​സി​സി തീ​രു​മാ​നി​ച്ചു.

ന്യൂ​ഡ​ൽ​ഹി: വ​നി​താ ഏ​ക​ദി​ന ലോ​ക​ക​പ്പ് നേ​ടി​യ ഇ​ന്ത്യ​ൻ താ​ര​ങ്ങ​ള്‍​ക്ക് വി​രു​ന്നൊ​രു​ക്കി പ്ര​ധാ​ന​മ​ന്ത്രി ന​രേ​ന്ദ്ര മോ​ദി. പ്ര​ധാ​ന​മ​ന്ത്രി​യു​ടെ ഔ​ദ്യോ​ഗി​ക വ​സ​തി​യി​ലാ​ണ് താ​ര​ങ്ങ​ൾ​ക്ക് വി​രു​ന്നൊ​രു​ക്കി​യ​ത്.

ലോ​ക​ക​പ്പ് ട്രോ​ഫി​യു​മാ​യി പ്ര​ധാ​ന​മ​ന്ത്രി​യെ കാ​ണാ​ൻ സാ​ധി​ച്ച​തി​ൽ സ​ന്തോ​ഷ​മു​ണ്ടെ​ന്ന് ക്യാ​പ്റ്റ​ൻ ഹ​ർ​മ​ൻ പ്രീ​ത് കൗ​ർ പ​റ​ഞ്ഞു. 2017ലെ ​വ​നി​താ ഏ​ക​ദി​ന ലോ​ക​ക​പ്പ് ഫൈ​ന​ലി​ല്‍ ഇം​ഗ്ല​ണ്ടി​നോ​ട് പ​രാ​ജ​യ​പ്പെ​ട്ട് തി​രി​ച്ചെ​ത്തി​യ​പ്പോ​ഴും പ്ര​ധാ​ന​മ​ന്ത്രി​യു​മാ​യി കൂ​ടി​ക്കാ​ഴ്ച ന​ട​ത്തി​യ​കാ​ര്യം ക്യാ​പ്റ്റ​ൻ ഹ​ര്‍​മ​ന്‍​പ്രീ​ത് കൗ​ര്‍ ഓ​ര്‍​ത്തെ​ടു​ത്തു.

അ​ന്ന് കി​രീ​ട​മി​ല്ലാ​തെ ആ​യി​രു​ന്നു ഞ​ങ്ങ​ള്‍ പ്ര​ധാ​ന​മ​ന്ത്രി​യെ ക​ണ്ട​ത്. എ​ന്നാ​ലി​ന്ന് കി​രീ​ട​വു​മാ​യാ​ണ് പ്ര​ധാ​ന​മ​ന്ത്രി​യെ ക​ണ്ട​ത്. ഇ​ത്ത​രം കൂ​ടി​ക്കാ​ഴ്ച​ക​ള്‍ ഇ​ട​ക്കി​ടെ സം​ഭ​വി​ക്ക​ട്ടെ എ​ന്നാ​ണ് ടീം ​ആ​ഗ്ര​ഹി​ക്കു​ന്ന​തെ​ന്നും ഹ​ര്‍​മ​ന്‍​പ്രീ​ത് പ​റ​ഞ്ഞു.

ഞാ​യ​റാ​ഴ്ച മും​ബൈ ഡി​വൈ പാ​ട്ടീ​ല്‍ സ്റ്റേ​ഡി​യ​ത്തി​ല്‍ ന​ട​ന്ന കി​രീ​ട​പ്പോ​രി​ല്‍ ദ​ക്ഷി​ണാ​ഫ്രി​ക്ക​യെ ത​ക​ര്‍​ത്താ​ണ് ഇ​ന്ത്യ ഏ​ക​ദി​ന ലോ​ക​ക​പ്പി​ല്‍ ആ​ദ്യ​മാ​യി കി​രീ​ടം നേ​ടി​യ​ത്.

ന്യൂ​യോ​ർ​ക്ക്: ഫൊ​ക്കാ​ന ന്യൂ​യോ​ർ​ക്ക് മെ​ട്രോ റീ​ജി​യ​ൺ ചാ​രി​റ്റി ക്രി​ക്ക​റ്റ് ബാ​ഷ് 2025 വി​ജ​യാ​ഘോ​ഷം സെ​പ്റ്റം​ബ​ർ 26ന് ​സ​ന്തൂ​ർ കു​ട്ട​നാ​ട​ൻ റസ്റ്റോ​റ​ന്‍റിൽ ന​ട​ത്തി. ഈ ​ച​ട​ങ്ങി​ൽ ഫൊ​ക്കാ​ന പ്ര​സി​ഡ​ന്‍റ് ഡോ. സ​ജി​മോ​ൻ ആ​ന്‍റ​ണി, സെ​ക്ര​ട്ട​റി ശ്രീ​കു​മാ​ർ ഉ​ണ്ണി​ത്താ​ൻ, ഇ​ന്ത്യ​ൻ ക്രി​ക്ക​റ്റ് മു​ൻ താ​രം ടി​നു യോ​ഹ​ന്നാ​ൻ, യുഎ​സ് ക്രി​ക്ക​റ്റ് ബോ​ർ​ഡ് ഈ​സ്റ്റ് സോ​ൺ ചെ​യ​ർ​മാ​ൻ ജോ​ർ​ജ് സാ​മു​വ​ൽ, ന്യൂ​യോ​ർ​ക്ക് റീ​ജി​യ​ണ​ൽ വൈ​സ് പ്ര​സി​ഡ​ന്‍റ് ലാ​ജി തോ​മ​സ്, സെ​ക്ര​ട്ട​റി ഡോ​ൺ തോ​മ​സ്, ട്ര​ഷ​റ​ർ മാ​ത്യു തോ​മ​സ് എ​ന്നി​വ​ർ സ​ന്നി​ഹി​ത​രാ​യി​രു​ന്നു.

ചാ​രി​റ്റി ക്രി​ക്ക​റ്റ് ടൂ​ർ​ണ​മെ​ന്‍റിന്‍റെ ​വ​ൻ​വി​ജ​യം ആ​ഘോ​ഷി​ക്കാ​നും അ​തി​ന് പി​ന്നി​ൽ പ്ര​വ​ർ​ത്തി​ച്ച എ​ല്ലാ​വ​രെ​യും ആ​ദ​രി​ക്കാ​നു​മാ​യി​രു​ന്നു ഈ ​പ​രി​പാ​ടി ന​ട​ത്തി​യ​ത്. ച​ട​ങ്ങി​നി​ടെ ഫൊ​ക്കാ​ന മെ​ഡി​ക്ക​ൽ കാ​ർ​ഡും പ്രി​വി​ലേ​ജ് കാ​ർ​ഡും വി​ത​ര​ണം ചെ​യ്തു.

ഫൊ​ക്കാ​ന റീ​ജി​യ​ണ​ൽ വൈ​സ് പ്ര​സി​ഡ​ന്‍റ് ലാ​ജി തോ​മ​സ് അ​ദ്ധ്യ​ക്ഷ​ത വ​ഹി​ച്ച മീ​റ്റിംഗി​ൽ ഏ​വ​രെ​യും സ്വാ​ഗ​തം ചെ​യ്തു. ഫൊ​ക്കാ​ന പ്ര​സി​ഡ​ന്‍റ് ഡോ. സ​ജി​മോ​ൻ ആ​ന്‍റണി മു​ഖ്യാതിഥി ആ​യി​രു​ന്ന ച​ട​ങ്ങി​ൽ ക്രി​ക്ക​റ്റ് ടൂ​ർ​ണ​മെ​ന്‍റ് ഫൊ​ക്കാ​ന എ​ല്ലാ റീ​ജി​യ​ണ​ൽ ത​ല​ത്തി​ൽ ന​ട​ത്ത​പ്പെ​ടു​മെ​ന്നും കൂ​ടാ​തെ നാ​ഷ​ണ​ൽ ലെ​വ​ലി​ൽ സ്പോ​ർ​ട്സ് അ​ക്കാ​ദ​മി​ക്ക് തു​ട​ക്കം കു​റി​ക്കു​മെ​ന്ന് പ്ര​സി​ഡന്‍റ് അ​റി​യി​ച്ചു.

തി​രു​വ​ന​ന്ത​പു​രം: ര​ഞ്ജി ട്രോ​ഫി എ​ലൈ​റ്റ് പോ​രാ​ട്ട​ത്തി​ൽ കേ​ര​ള​ത്തി​നെ​തി​രേ ക​ർ​ണാ​ട​ക മി​ക​ച്ച സ്കോ​റി​ലേ​ക്ക്. ആ​ദ്യ​ദി​നം ക​ളി​നി​ർ​ത്തു​മ്പോ​ൾ ക​ർ​ണാ​ട​ക മൂ​ന്ന് വി​ക്ക​റ്റ് ന​ഷ്ട​ത്തി​ൽ 319 റ​ണ്‍​സ് എ​ന്ന നി​ല​യി​ലാ​ണ്.

ഒ​രു ഘ​ട്ട​ത്തി​ൽ ര​ണ്ടി​ന് 13 റ​ണ്‍​സെ​ന്ന നി​ല​യി​ലാ​യി​രു​ന്ന ക​ർ​ണാ​ട​ക സെ​ഞ്ചു​റി നേ​ടി​യ ക​രു​ണ്‍ നാ​യ​രു​ടെ ഇ​ന്നിം​ഗ്സ് ക​രു​ത്തി​ലാ​ണ് 300 ക​ട​ന്ന​ത്. 251 പ​ന്തി​ൽ 142 റ​ണ്‍​സു​മാ​യി ക​രു​ണ്‍ നാ​യ​ർ ക്രീ​സി​ൽ ന​ങ്കൂ​ര​മി​ട്ടി​രി​ക്കു​ക​യാ​ണ്. 14 ബൗ​ണ്ട​റി​ക​ളും ര​ണ്ടു സി​ക്സ​റു​മു​ൾ​പ്പെ​ടു​ന്ന​താ​ണ് ക​രു​ണി​ന്‍റെ ഇ​ന്നിം​ഗ്സ്.

143 പ​ന്തി​ൽ 88 റ​ണ്‍​സു​മാ​യി സ്മ​ര​ണ്‍ ര​വി​ച​ന്ദ്ര​ൻ ആ​ണ് ക​രു​ണി​നൊ​പ്പം ക്രീ​സി​ലു​ള്ള​ത്. കെ.​എ​ൽ. ശ്രീ​ജി​ത്ത് (65), കെ.​വി. അ​നീ​ഷ് (എ​ട്ട്), നാ​യ​ക​ൻ മാ​യ​ങ്ക് അ​ഗ​ർ​വാ​ൾ (അ​ഞ്ച്) എ​ന്നി​വ​രു​ടെ വി​ക്ക​റ്റു​ക​ളാ​ണ് ക​ർ​ണാ​ട​ക​യ്ക്ക് ന​ഷ്ട​മാ​യ​ത്.

കേ​ര​ള​ത്തി​നു വേ​ണ്ടി എം.​ഡി. നി​തീ​ഷ്, എ​ൻ.​പി. ബേ​സി​ൽ, ബാ​ബാ അ​പ​രാ​ജി​ത് എ​ന്നി​വ​ർ ഓ​രോ വി​ക്ക​റ്റ് വീ​തം വീ​ഴ്ത്തി.

ഇ​ൻ​ഡോ​ർ: മ​ധ്യ​പ്ര​ദേ​ശി​ലെ ഇ​ൻ​ഡോ​റി​ൽ ഐ​സി​സി വ​നി​താ ക്രി​ക്ക​റ്റ് ലോ​ക​ക​പ്പി​ൽ പ​ങ്കെ​ടു​ക്കു​ന്ന ര​ണ്ട് ഓ​സ്‌​ട്രേ​ലി​യ​ൻ ക്രി​ക്ക​റ്റ് താ​ര​ങ്ങ​ൾ​ക്ക് നേ​രെ ലൈം​ഗി​കാ​തി​ക്ര​മം. ബൈ​ക്കി​ലെ​ത്തി​യ​യാ​ൾ പി​ന്തു​ട​രു​ക​യും ലൈം​ഗി​കാ​തി​ക്ര​മം ന​ട​ത്തി​യെ​ന്നും ക്രി​ക്ക​റ്റ് താ​ര​ങ്ങ​ൾ വെ​ളി​പ്പെ​ടു​ത്തി.

സം​ഭ​വ​ത്തി​ൽ ഇ​ൻ​ഡോ​ർ സ്വ​ദേ​ശി അ​ഖീ​ൽ ഖാ​നെ പോ​ലീ​സ് അ​റ​സ്റ്റ് ചെ​യ്തു. വ്യാ​ഴാ​ഴ്ച​യാ​ണ് ക്രി​ക്ക​റ്റ് താ​രം ലൈം​ഗി​കാ​തി​ക്ര​മ​ത്തി​ന് ഇ​ര​യാ​യ​ത്. വ്യാ​ഴാ​ഴ്ച രാ​വി​ലെ റാ​ഡി​സ​ൺ ബ്ലൂ ​ഹോ​ട്ട​ലി​ൽ നി​ന്ന് ഒ​രു ക​ഫേ​യി​ലേ​ക്ക് പോ​കു​ന്ന​തി​നി​ടെ​യാ​ണ് സം​ഭ​വം.

ബൈ​ക്കി​ൽ അ​ഖീ​ൽ ര​ണ്ട് ഓ​സ്ട്രേ​ലി​യ​ൻ ക്രി​ക്ക​റ്റ് താ​ര​ങ്ങ​ളെ പി​ന്തു​ട​ർ​ന്നു. അ​വ​രി​ൽ ഒ​രാ​ൾ​ക്ക് നേ​രെ​യാ​ണ് ലൈം​ഗി​കാ​തി​ക്ര​മ​മു​ണ്ടാ​യ​ത്. ഉ​ട​ൻ ത​ന്നെ ഇ​രു​വ​രും ടീം ​സെ​ക്യൂ​രി​റ്റി ഓ​ഫീ​സ​റാ​യ ഡാ​നി സി​മ്മ​ൺ​സി​നെ വി​വ​രം അ​റി​യി​ച്ചു. ഡാ​നി വി​വ​രം പോ​ലീ​സി​ൽ അ​റി​യി​ച്ചു.

ഇ​ൻ​ഡോ​ർ അ​സി​സ്റ്റ​ന്‍റ് പോ​ലീ​സ് ക​മ്മീ​ഷ​ണ​ർ ര​ണ്ട് താ​ര​ങ്ങ​ളെ​യും നേ​രി​ൽ കണ്ട് മൊ​ഴി രേ​ഖ​പ്പെ​ടു​ത്തി. ബി​എ​ൻ​എ​സ് സെ​ക്ഷ​ൻ 74, 78, എ​ന്നി​വ പ്ര​കാ​രം എം​ഐ​ജി പോ​ലീ​സ് സ്റ്റേ​ഷ​നി​ൽ എ​ഫ്ഐ​ആ​ർ ര​ജി​സ്റ്റ​ർ ചെ​യ്തു. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ൽ ബൈ​ക്കി​ന്‍റെ ന​മ്പ​ർ ക​ണ്ടെ​ത്തി. അ​തി​ൽ നി​ന്നും ഉ​ട​മ​സ്ഥ​നെ ക​ണ്ടെ​ത്തു​ക​യും പ്ര​തി​യി​ലേ​ക്ക് എ​ത്തി​ച്ചേ​രു​ക​യു​മാ​യി​രു​ന്നു.

സ്റ്റീ​വ​നേ​ജ്: സ്റ്റീ​വ​നേ​ജ് കൊ​മ്പ​ൻ​സും ലൂ​ട്ട​ൻ ഹോ​ക്‌​സ് എ​ലൈ​റ്റ്‌​സും സം​യു​ക്ത​മാ​യി സം​ഘ​ടി​പ്പി​ച്ച ഓ​ൾ യു​കെ ഏ​ക​ദി​ന ക്രി​ക്ക​റ്റ് ടൂ​ർ​ണ​മെ​ന്‍റി​ൽ ത​ണ്ടേ​ഴ്സ് ഫാ​ൽ​ക്ക​ൺ​സ് കി​രീ​ടം നേ​ടി. നോ​ർ​വി​ച്ചി​ൽ നി​ന്നു​ള്ള നാം ​ടീം റ​ണ്ണ​റ​പ്പാ​യി.

സ്റ്റീ​വ​നേ​ജി​ൽ ആ​ദ്യ​മാ​യി ന​ട​ന്ന ടൂ​ർ​ണ​മെ​ന്‍റ് യു​ക്മ ഈ​സ്റ്റ് ആം​ഗ്ലി​യ റീ​ജി​യ​ണ​ൽ പ്ര​സി​ഡ​ന്‍റ് ജോ​ബി​ൻ ജോ​ർ​ജ് ഉ​ദ്‌​ഘാ​ട​നം ചെ​യ്തു. കാ​ർ​ഡി​ഫ് മു​ത​ൽ നോ​ർ​വി​ച്ച് വ​രെ​യു​ള്ള ടീ​മു​ക​ൾ മാ​റ്റു​ര​ച്ച ടൂ​ർ​ണ​മെ​ന്‍റ് കാ​യി​ക പ്രേ​മി​ക​ളു​ടെ വ​ലി​യ പ​ങ്കാ​ളി​ത്തം കൊ​ണ്ട് ശ്ര​ദ്ധേ​യ​മാ​യി.

വാ​ശി​യേ​റി​യ ഫൈ​ന​ൽ മ​ത്സ​ര​ത്തി​ൽ ആ​ദ്യം ബാ​റ്റ് ചെ​യ്ത ത​ണ്ടേ​ഴ്സ് ഫാ​ൽ​ക്ക​ൺ​സ് 10 ഓ​വ​റി​ൽ നാ​ല് വി​ക്ക​റ്റ് ന​ഷ്ട​ത്തി​ൽ 124 റ​ൺ​സ് നേ​ടി. മ​റു​പ​ടി ബാ​റ്റിം​ഗി​നി​റ​ങ്ങി​യ നാം ​നോ​ർ​വി​ച്ചി​നെ മി​ക​ച്ച ബൗ​ളിം​ഗി​ലൂ​ടെ 49 റ​ൺ​സി​ന് ഓ​ൾ​ഔ​ട്ടാ​ക്കി ത​ണ്ടേ​ഴ്സ് ഫാ​ൽ​ക്ക​ൺ​സ് ത​ക​ർ​പ്പ​ൻ വി​ജ​യം ഉ​റ​പ്പി​ച്ചു.

ന്യൂ​ഡ​ൽ​ഹി: ഏ​ഷ്യാ​ക​പ്പ് ക്രി​ക്ക​റ്റി​ലെ ഇ​ന്ത്യ-​പാ​ക്കി​സ്ഥാ​ൻ മ​ത്സ​രം ന​ട​ക്ക​ട്ടെ​യെ​ന്ന് സു​പ്രീം കോ​ട​തി. മ​ത്സ​ര​ത്തി​നെ​തി​രാ​യ ഹ​ർ​ജി കോ​ട​തി പ​രി​ഗ​ണി​ച്ചി​ല്ല. ഹ​ർ​ജി വെ​ള്ളി​യാ​ഴ്ച ത​ന്നെ ലി​സ്റ്റ് ചെ​യ്യ​ണ​മെ​ന്ന ആ​വ​ശ്യം ജ​സ്റ്റീ​സു​മാ​രാ​യ ജെ.​കെ. മ​ഹേ​ശ്വ​രി, വി​ജ​യ് ബി​ഷ്‍​ണോ​യ് എ​ന്നി​വ​രു​ൾ​പ്പെ​ട്ട ര​ണ്ടം​ഗ ബെ​ഞ്ച് ത​ള്ളി.

എ​ന്തി​നാ​ണ് ഹ​ർ​ജി ഇ​ത്ര​യും തി​ടു​ക്ക​ത്തി​ൽ ലി​സ്റ്റ് ചെ​യ്യു​ന്ന​തെ​ന്ന് ജ​സ്റ്റീ​സ് ജെ.​കെ. മ​ഹേ​ശ്വ​രി ചോ​ദി​ച്ചു. ഞാ​യ​റാ​ഴ്ച​യാ​ണ് മ​ത്സ​രം ന​ട​ക്കു​ന്ന​ത് അ​തി​നാ​ൽ അ​ടി​യ​ന്ത​ര​മാ​യി പ​രി​ഗ​ണി​ക്ക​ണ​മെ​ന്നാ​യി​രു​ന്നു ഹ​ർ​ജി​ക്കാ​രു​ടെ ആ​വ​ശ്യം. എ​ന്നാ​ൽ, ഞാ​യ​റാ​ഴ്ച​യ​ല്ലേ മ​ത്സ​രം, അ​തി​ൽ ത​ങ്ങ​ൾ എ​ന്തു​ചെ​യ്യാ​നാ​ണ് എ​ന്ന് ചോ​ദി​ച്ച കോ​ട​തി മ​ത്സ​രം ന​ട​ക്ക​ട്ടെ​യെ​ന്ന് വ്യ​ക്ത​മാ​ക്കി.

പൂ​ന​യി​ല്‍ നി​ന്നു​ള്ള മ​നു​ഷ്യാ​വ​കാ​ശ പ്ര​വ​ര്‍​ത്ത​ക​നാ​യ കേ​ത​ന്‍ തി​രോ​ദ്ക​റാ​ണ് ഇ​ന്ത്യ-​പാ​ക്കി​സ്ഥാ​ന്‍ മ​ത്സ​രം റ​ദ്ദാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് സു​പ്രീം കോ​ട​തി​യി​ല്‍ പൊ​തു​താ​ത്പ​ര്യ ഹ​ര്‍​ജി സ​മ​ര്‍​പ്പി​ച്ച​ത്. രാ​ജ്യ​താ​ത്പ​ര്യ​ത്തി​ന് വി​രു​ദ്ധ​മാ​യാ​ണ് ബി​സി​സി​ഐ മ​ത്സ​ര​വു​മാ​യി മു​ന്നോ​ട്ടു​പോ​കു​ന്ന​തെ​ന്നും, കാ​ഷ്മീ​ര്‍ താ​ഴ്‌​വ​ര​യി​ല്‍ രാ​ജ്യ​ത്തെ പൗ​ര​ന്‍​മാ​രെ​യും സൈ​നി​ക​രെ​യും കൂ​ട്ട​ക്കൊ​ല ന​ട​ത്തി​യ പാ​ക്കി​സ്ഥാ​നെ ക്രി​ക്ക​റ്റ് മ​ത്സ​ര​ത്തി​ല്‍​പോ​ലും സു​ഹൃ​ത്താ​യി കാ​ണു​ന്ന​ത് പൗ​ര​ന്‍​മാ​രു​ടെ അ​ന്ത​സി​ന് കോ​ട്ടം വ​രു​ത്തു​ന്ന​താ​ണെ​ന്നും ഹ​ര്‍​ജി​യി​ല്‍ പ​റ​യു​ന്നു.

ഇ​ന്ത്യ​യും പാ​ക്കി​സ്ഥാ​നും ത​മ്മി​ല്‍ ദ്വി​രാ​ഷ്ട്ര പ​ര​മ്പ​ര​ക​ളി​ല്‍ ക​ളി​ക്കി​ല്ലെ​ന്നും എ​ന്നാ​ല്‍ ഐ​സി​സി​യോ ഏ​ഷ്യ​ൻ ക്രി​ക്ക​റ്റ് കൗ​ണ്‍​സി​ലോ ന​ട​ത്തു​ന്ന ബ​ഹു​രാ​ഷ്ട്ര പ​ര​മ്പ​ര​ക​ളി​ല്‍ ഇ​ന്ത്യ​ൻ ടീ​മി​ന് പാ​ക്കി​സ്ഥാ​നെ​തി​രേ ക​ളി​ക്കാ​മെ​ന്നും കേ​ന്ദ്ര സ​ര്‍​ക്കാ​ര്‍ ക​ഴി​ഞ്ഞ മാ​സം വ്യ​ക്ത​മാ​ക്കി​യി​രു​ന്നു.

ഐ​സി​സി ടൂ​ര്‍​ണ​മെ​ന്‍റു​ക​ളി​ലാ​യാ​ലും ഇ​ന്ത്യ പാ​ക്കി​സ്ഥാ​നി​ലോ, പാ​ക്കി​സ്ഥാ​ൻ ഇ​ന്ത്യ​യി​ലോ ക​ളി​ക്കി​ല്ലെ​ന്നാ​ണ് കേ​ന്ദ്ര സ​ര്‍​ക്കാ​ര്‍ നി​ല​പാ​ട്. ഇ​തി​നെ തു​ട​ര്‍​ന്നാ​ണ് ഇ​ന്ത്യ ആ​തി​ഥേ​യ​രാ​യ ഏ​ഷ്യാ ക​പ്പ് യു​എ​ഇ​യി​ലേ​ക്ക് മാ​റ്റി​യ​ത്.

ദു​ബാ​യി: രാ​ഷ്‌​ട്രീ​യ അ​ന്ത​രീ​ക്ഷ​ത്തി​ന്‍റെ കാ​ര്‍​മേ​ഘ​ച്ചു​രു​ളു​ക​ള്‍​ക്കു താ​ഴെ, ഗ​ള്‍​ഫി​ലെ അ​ത്യു​ഷ്ണ​ത്തി​ല്‍ ഏ​ഷ്യ ക​പ്പ് ട്വ​ന്‍റി-20 ക്രി​ക്ക​റ്റി​ന് ഇ​ന്നു തു​ട​ക്കം. പ​ഹ​ല്‍​ഗാം ഭീകരാക്ര​മ​ണ​ത്തി​നു ശേ​ഷം ക്രി​ക്ക​റ്റ് ക​ള​ത്തി​ല്‍ ഇ​ന്ത്യ x പാ​ക്കി​സ്ഥാ​ന്‍ പോ​രാ​ട്ട​ത്തി​നു​ള്ള വേ​ദി​യൊ​രു​ക്കു​ന്നു എ​ന്ന​താ​ണ് 2025 എ​ഡി​ഷ​ന്‍ ഏ​ഷ്യ ക​പ്പി​ന്‍റെ ഹൈ​ലൈ​റ്റ്.

ആ​തി​ഥേ​യ​രെ​ന്ന നി​ല​യി​ല്‍ ടൂ​ര്‍​ണ​മെ​ന്‍റി​ന്‍റെ നി​യ​ന്ത്ര​ണം ബി​സി​സി​ഐ​ക്ക് ആ​ണെ​ങ്കി​ലും, ഇ​ന്ത്യ​യും പാ​ക്കി​സ്ഥാ​നും ത​മ്മി​ലു​ള്ള അ​ക​ലം വ​ര്‍​ധി​ച്ച പ​ശ്ചാ​ത്ത​ല​ത്തി​ല്‍ യു​എ​ഇ​യി​ലാ​ണ് ടൂ​ര്‍​ണ​മെ​ന്‍റ് അ​ര​ങ്ങേ​റു​ക. ഇ​ന്ത്യ​യും പാ​ക്കി​സ്ഥാ​നും ആ​തി​ഥേ​യ​ത്വം വ​ഹി​ക്കു​ന്ന മ​ത്സ​ര​ങ്ങ​ളി​ല്‍, ഇ​രു രാ​ജ്യ​ങ്ങ​ളും ന്യൂ​ട്ര​ല്‍ വേ​ദി​യി​ലാ​ണ് നി​ല​വി​ല്‍ ക​ളി​ച്ചു​വ​രു​ന്ന​തെ​ന്ന​ത്.

വി​യ​ര്‍​ത്തൊ​ഴു​കും

ഏ​ഷ്യ ക​പ്പ് 2025 എ​ഡി​ഷ​ന്‍റെ ഉ​ദ്ഘാ​ട​ന ദി​ന​മാ​യ ഇ​ന്ന് ദു​ബാ​യിയി​ലെ ഏ​റ്റ​വും ഉ​യ​ര്‍​ന്ന അ​ന്ത​രീ​ക്ഷ ഊ​ഷ്മാ​വ് 41 ഡി​ഗ്രി സെ​ല്‍​ഷ​സാ​ണ്. ഹ്യു​മി​ഡി​റ്റി 43 ശ​ത​മാ​ന​വും. മ​ത്സ​ര​ങ്ങ​ള്‍ ഇ​ന്ത്യ​ന്‍ സ​മ​യം രാ​ത്രി എ​ട്ടി​നാ​ണ് ആ​രം​ഭി​ക്കു​ന്ന​ത്. 37 ഡി​ഗ്രി സെ​ല്‍​ഷ​സ് ആ​യി​രി​ക്കും അ​പ്പോ​ഴ​ത്തെ താ​പ​നി​ല എ​ന്നാ​ണ് കാ​ലാ​വ​സ്ഥാ കേ​ന്ദ്ര​ങ്ങ​ള്‍ ന​ല്‍​കു​ന്ന വി​വ​രം. ക​ളി​ക്കാ​ര്‍ ക​ള​ത്തി​ല്‍ വി​യ​ർ​ത്തൊ​ഴു​കു​മെ​ന്നു ചു​രു​ക്കം.

5+3= 8

അ​ഞ്ച് ഐ​സി​സി ഫു​ള്‍​മെം​ബ​ര്‍ ടീ​മു​ക​ളും മൂ​ന്ന് അ​സോ​സി​യേ​റ്റ​ഡ് ടീ​മു​ക​ളും ചേ​ര്‍​ന്ന് ആ​കെ എ​ട്ട് ടീ​മു​ക​ളാ​ണ് 2025 ഏ​ഷ്യ ക​പ്പി​ല്‍ മ​ത്സ​രി​ക്കു​ന്ന​ത്. ഇ​ന്ത്യ, പാ​ക്കി​സ്ഥാ​ന്‍, ശ്രീ​ല​ങ്ക, അ​ഫ്ഗാ​നി​സ്ഥാ​ന്‍, ബം​ഗ്ലാ​ദേ​ശ് ടീ​മു​ക​ളാ​ണ് ഫു​ള്‍ മെം​ബ​ര്‍​മാ​ര്‍. 2024 എ​സി​സി പ്രീ​മി​യ​ര്‍ ക​പ്പി​ല്‍ ആ​ദ്യ മൂ​ന്നു സ്ഥാ​ന​ങ്ങ​ള്‍ സ്വ​ന്ത​മാ​ക്കി​യ യു​എ​ഇ, ഒ​മാ​ന്‍, ഹോ​ങ്കോം​ഗ് ടീ​മു​ക​ളാ​ണ് അ​സോ​സി​യേ​റ്റ് അം​ഗ​ങ്ങ​ള്‍.

ര​ണ്ടു വ​ര്‍​ഷ​ത്തി​ല്‍ ഒ​രി​ക്ക​ല്‍ ന​ട​ക്കു​ന്ന ഏ​ഷ്യ ക​പ്പ്, 2026 ഐ​സി​സി ലോ​ക​ക​പ്പ് മു​ന്നി​ല്‍​ക്ക​ണ്ടാ​ണ് ട്വ​ന്‍റി-20 ഫോ​ര്‍​മാ​റ്റി​ലാ​ക്കി​യ​ത്. 2023ല്‍ ​ഏ​ക​ദി​ന ഫോ​ര്‍​മാ​റ്റി​ലാ​യി​രു​ന്നു ഏ​ഷ്യ ക​പ്പി​ല്‍ ഇ​ന്ത്യ​യാ​യി​രു​ന്നു ചാ​മ്പ്യ​ന്മാ​ര്‍.

ഫോ​ര്‍​മാ​റ്റ്, വേ​ദി​ക​ള്‍

ഇ​ന്നാ​രം​ഭി​ക്കു​ന്ന ടൂ​ര്‍​ണ​മെ​ന്‍റ് 28വ​രെ നീ​ളും. ആ​കെ 19 മ​ത്സ​ര​ങ്ങ​ളാ​ണ് 2025 ഏ​ഷ്യ ക​പ്പി​ല്‍. ദു​ബാ​യി​ലെ ഇ​ന്‍റ​ര്‍​നാ​ഷ​ണ​ല്‍ ക്രി​ക്ക​റ്റ് സ്റ്റേ​ഡി​യം, അ​ബു​ബാ​ദി​യി​ലെ ഷെ​യ്ഖ് സ​യീ​ദ് ക്രി​ക്ക​റ്റ് സ്റ്റേ​ഡി​യം എ​ന്നീ വേ​ദി​ക​ളി​ലാ​യാ​ണ് മ​ത്സ​ര​ങ്ങ​ള്‍ അ​ര​ങ്ങേ​റു​ന്ന​ത്.

നാ​ലു ടീ​മു​ക​ളാ​യി തി​രി​ച്ച ര​ണ്ട് ഗ്രൂ​പ്പു​ക​ളാ​ണ് ഉ​ള്ള​ത്. ഇ​രു ഗ്രൂ​പ്പി​ലെ​യും ആ​ദ്യ ര​ണ്ടു സ്ഥാ​ന​ക്കാ​ര്‍ സൂ​പ്പ​ര്‍ ഫോ​റി​ലേ​ക്കു യോ​ഗ്യ​ത നേ​ടും.

സൂ​പ്പ​ര്‍ ഫോ​റി​ല്‍ എ​ല്ലാ ടീ​മു​ക​ളും ഒ​രു ത​വ​ണ വീ​തം ഏ​റ്റു​മു​ട്ടും. തു​ട​ര്‍​ന്ന് സൂ​പ്പ​ര്‍ ഫോ​റി​ലെ ആ​ദ്യ ര​ണ്ട് സ്ഥാ​ന​ക്കാ​ര്‍ ഫൈ​ന​ലി​ല്‍ കൊ​മ്പു​കോ​ര്‍​ക്കും. സൂ​പ്പ​ര്‍ ഫോ​ര്‍, ഫൈ​ന​ല്‍ മ​ത്സ​ര​ങ്ങ​ള്‍ ദു​ബാ​യി​ലാ​ണ്.

ഇ​ന്ത്യ x പാ​ക്കി​സ്ഥാ​ന്‍

ക്രി​ക്ക​റ്റ് ലോ​കം ഉ​റ്റു​നോ​ക്കു​ന്ന ഇ​ന്ത്യ x പാ​ക്കി​സ്ഥാ​ന്‍ പോ​രാ​ട്ടം 14-ാം തീ​യ​തി (ഞാ​യ​ര്‍) രാ​ത്രി എ​ട്ടി​ന് ദു​ബാ​യി​ല്‍ അ​ര​ങ്ങേ​റും. ഗ്രൂ​പ്പ് എ​യി​ലാ​ണ് ഇ​ന്ത്യ​യും പാ​ക്കി​സ്ഥാ​നും ഉ​ള്‍​പ്പെ​ട്ടി​രി​ക്കു​ന്ന​ത്. നാ​ളെ യു​എ​ഇ​ക്ക് എ​തി​രേ​യാ​ണ് ടൂ​ര്‍​ണ​മെ​ന്‍റി​ല്‍ ഇ​ന്ത്യ​യു​ടെ ആ​ദ്യ മ​ത്സ​രം. 19നു ​ന​ട​ക്കു​ന്ന ഒ​മാ​ന്‍ ടീ​മി​ന് എ​തി​രാ​യ മ​ത്സ​രം ഒ​ഴി​കേ​യു​ള്ള ഇ​ന്ത്യ​യു​ടെ ബാ​ക്കി എ​ല്ലാ ക​ളി​ക​ള്‍​ക്കും ദു​ബാ​യ് വേ​ദി​യാ​കും. ഇ​ന്ത്യ x ഒ​മാ​ന്‍ പോ​രാ​ട്ടം അ​ബു​ദാ​ബി​യി​ലാ​ണ്.

ഗ്രൂ​പ്പ് എ: ​ഇ​ന്ത്യ, പാ​ക്കി​സ്ഥാ​ൻ, ഒ​മാ​ൻ, യു​എ​ഇ

ഗ്രൂ​പ്പ് ബി: ​ശ്രീ​ല​ങ്ക, അ​ഫ്ഗാ​നി​സ്ഥാ​ൻ, ബം​ഗ്ലാ​ദേ​ശ്, ഹോ​ങ്കോം​ഗ്